WIKI YA USAFI WA MAZINGIRA YAADHIMISHWA KIMKOA WILAYANI MUFINDI

Posted on: November 24th, 2020

"Tutatekelea na kusimamia miradi na fedha za wafadhili tunazopewa kwa maendeleo ya wananchi  na yeyote atakayechezea na kula fedha za miradi hatua kali zitachukuliwa dhidi yake"

Kauli ya Mkuu wa Wilaya ya Mufindi Mheshimiwa Jamhuri William alipokuwa akimuwakilisha Mkuu wa Mkoa wa Iringa Mheshimiwa Ally Hapi kwenye  maadhimisho ya Wiki ya Usafi wa Mazingira ambapo kimkoa maadhimisho hayo yamefanyika Shule ya Msingi Kitelewasi Wilaya ya Mufindi.

Akisoma taarifa, Afisa Afya wa Wilaya ndugu Innocent Komba amesema kwa mwaka wa fedha 2019/2020 Shirika la PDF kwa  ufadhili wa UNICEF kwa kipindi cha awamu ya pili linatekeleza mradi wa usafi wa mazingira kwa kushirikiana na Halmashauri ambapo jumla ya kiasi cha shilingi 317,447,999 kimetengwa kwaajili ya kujenga vyoo bora na kuboresha miundombinu ya maji katika Shule tano za msingi.