Historia

                         HISTORIA YA WILAYA YA MUFINDI

Mwaka 1961 wakati tunapata uhuru Tanganyika au Tanzania Bara ilikuwa na majimbo tisa na Wilaya ya Mufindi ya Sasa ilikuwa ni moja ya eneo katika jimbo la Nyanda za juu Kusini (Iringa, Ruvuma na Rukwa ) maeneo mengine ambayo leo ni ya Wilaya inayojitegemea  ni  Njombe na Iringa .

Kabla ya Tanganyika kupata Uhuru, Wilaya ya Mufindi ya sasa ilikuwa chini ya Wilaya ya Iringa. Wakati huo Iringa iliitwa Uhehe “Native Authority” chini ya Mtawala Mtemi aliyeitwa (Mutwa) Adam Sapi Mkwawa( Mkwavinyika yaani  “Mtawala wa maeneo” .

Wilaya ya Mufindi baada ya Uhuru

Baada ya Uhuru 1961 Ofisi ya Bwana Shauri Mkuu wa Wilaya iliendelea kuwa eneo la kibao na aliendelea kuwepo, bwana Shauri Cyprian Lutu. Aidha, eneo hilo la kibao lilikuwa pia na kituo cha Polisi 

Mabadiliko ya Utawala

Mwaka 1963 Serikali ya Tanganyiaka ilifanya mabadiliko makubwa ili kuondoa Utawala uliokuwepo wakati wa ukoloni, badiliko hilo liliondoa sera ya Uchifu na kuweka Tarafa “Division Executive Officers” ambao waliitwa Makatibu Tarafa          Sasa wanaitwa maafisa Tarafa, eneo lililokuwa na utawala chini ya Wanzagila na badaye “Division Executive Officers” maeneo hayo ni pamoja na Ifwagi, Kibengu, Malangali, Sadani na Kasanga ambazo kwa sasa ni miongoni mwa kata 27 za Halmashauri.

Aidha, Mabadiliko haya yalikuwa hayajaeleweka Vizuri kwa wananchi wa kawaida  kwa kuwa walikuwa wamezoea utawala wa kichifu, ambapo, kwa asili ni baadhi ya koo fulani tu ndiyo zilikuwa na sifa za kutawala, hali hii ilisababisha wale wote walioteuliwa kuchukua nafasi za Machifu wapate vitisho kutoka kwa Machifu  na  wananchi kwa ujumla.

Kwa Wilaya ya Mufindi, Mutwa Adam Sapi Mkwawa, alipita yeye mwenyewe maeneo yote akitoa elimu juu ya mabadiliko hayo, utaratibu alioutumia ulikuwa, kufanya Vikao vya ndani na wasaidizi wake. Pili mikutano ya hadhara kwa wananchi wote. Hii ilisababisha eneo la Iringa (uhehe) kutokuwa na tatizo kubwa kutokana na mabadiliko yaliyotokea

Baadhi ya “Sub – Chief’s (wanzagila) walipewa nafasi ya kuendelea kutawala kwa Division ya Executive Officers’ lakini walibadilishwa vituo vya kazi ili uchifu usiendelee pamoja na uhamisho huo walipatiwa mwongozo wa kuendesha shughuli za kiutawala Mwongozo huo ulikuwa  ni pamoja na kusimamia mkusanyiko wa kodi, shughuli za Maendeleo pamaoja na masuala ya ulinzi na usalama ( Uhakimu/ kuamua kesi)

Kuanzishwa kwa Wilaya ya Mufindi

Tarehe 01/10/1965 Wialaya ya Mufindi ilizinduliwa rasmi na Rais wa kwanza wa Jamhuri ya Muungano wa Tanzania hayati Mwalimu Julius Kamabarage Nyerere, na Mkuu wa Wilaya wa Kwanza aliitwa Fred Mwakamyanda, wakati huo Mkuu wa Wilaya alifahamika kama “Area Commissioner” na Makao makuu ya Wilaya yalikuwa katika eneo la kibao.

Asili ya Jina Mufindi

Jina MUFINDI, lilitokamna na jina la Mti unaoitwa Mfinza kwa Lugha ya Kihehe uliopatiakana eneo la Ihomasa. Aidha, Wajerumani wailiofika kwa mara ya kwanza walishindwa kutamka neno Mfinza na badala yake wakawa wanatamka mfindi. baada ya mazoea ya Muda mrefu neno Mufindi likazaliwa.

Mkuu wa Wilaya “Area Commissioner” walikuwepo toka kuanzishwa kwa Wilaya hadi hivi sasa (1965 – 2018) ni kama inavyoonyeshwa hapa chini.

Wahe. Wakuu wa Wilaya 1965 - 2018

Kuzaliwa Kwa Halmashauri ya Mufindi

Mwaka 1974, Halmashauri ya Wilaya ya Mufindi ilianzishwa rasmi ikiwa bado na utegemezi Mkubwa wa maamuzi kutoka Serikali kuu na makao makuu yake yalikuwa eneo la Kibao.

Mwaka 1975 makao makuu ya Wilaya na Halmashauri yalihamishwa kutoka Kibao kuja Mafinga wakati huo Mji wa Mafinga ulifahamika kama John’s Corner.

Wahe. Wenyeviti wa Halmashauri 1985 - 2018

Wahe. Wabunge Tangu Mwaka 1965 

 Kuanza rasmi kwa Shughuli zake Kama Halmashauri Kamili Mwaka 1984

Halmashauri ya Wilaya ya Mufindi chini ya Sheria ya Madaraka Mikoani ya 1982 iliundwa Disemba 31 mwaka 1983 na ilianza rasmi shughuli zake tarehe 01 Januari 1984. Kabaada ya hapo shughuli za Halmashauri zilikuwa zinatekelezwa na Serikali kuu kupitia Ofisi ya Mkurugenzi wa Maendeleo wa Mkoa (RDD)

 Wakurugenzi waliokuwepo kwa Vipindi tofauti.1984 - 2018