MKUU WA WILAYA YA MUFINDI ATATUA KERO ZA WANANCHI IGOWOLE

Posted on: September 15th, 2021

Mkuu wa Wilaya ya Mufindi  Mheshimiwa Saad Mtambule akiambatana na viongozi mbalimbali wa Halmashauri ya Wilaya ya Mufindi wametatua kero za Wananchi wa Kata ya Igowole katika mkutano wa hadhara.

Kero zilizotatuliwa ni pamoja na Kero ya upungufu wa madarasa, kero ya Maji, kero ya Afya katika vituo vya Afya pamoja na kero ya barabara.

Aidha, akiongea katika mkutano huo wa kusikiliza kero za wananchi, Mkurugenzi wa Halmashauri ya Wilaya ya Mufindi Bi, Zaina Mlawa amewataka wananchi wafikishe ujumbe kwa makundi ya wanawake, vijana na watu wenye ulemavu kuwa Serikali kupitia Halmashauri inatoa mikopo isiyo na riba lengo likiwa ni kuwakwamua kiuchumi wananchi wake.

Pia mikopo ya bodaboda inatolewa kwa vijana walioamua kuwa pamoja na kufuata taratibu za mikopo. Hivyo akawaomba wananchi wahakikishe wanaitumia vizuri ofisi ya maendeleo ya jamii ili kupata ufafanuzi wa mikopo hiyo.

Mkutano huo wa kutatua kero umehudhuriwa na Mwenyekiti wa Halmashauri ya Wilaya ya Mufindi Mheshimiwa Festo Mgina, Waheshimiwa madiwani pamoja na wakuu wa Idara .