Mkurugenzi Mufindi Akabidhi Magari Kwa Madiwani

Posted on: February 22nd, 2020

Kamati ya Fedha Uongozi na Mipango ya Halmashauri ya Wilaya ya Mufindi, imepokea magari matatu  yaliyotolewa na Tasisi ya Stoo ya dawa MSD, baada ya timu ya uongozi CMT kupitia Mkurugenzi Mtendaji Ndg. Netho Ndilito, kushawishi na kuyaomba ili ya saidie katika utekelezaji wa shughuli mbalimbali za miradi ya maendeleo.

Akikabidhi magari hayo kwa kamati ya Madiwani ya Fedha, uongozi na Mipango kupitia Mwenyekiti wa Halmashauri, Mkurugenzi Ndilito, amesema, timu ya uongozi inakabidhi magari matatu ambayo ni SCANIA mbili pamoja na Mitsubishi CANTER moja ambazo ni mali ya Halmashauri.

Akipokea magari hayo kwa niaba ya Madiwani, Mwe nyekiti wa Halmashauri Mhe. Festo Mgina, amempongeza Mkurugenzi Mtendaji kwa ushawishi wake ambao ndio chanzo cha kupatikana kwa magari hayo na kusisitiza kuwa uwepo wa magari hayo utakuwa na tija kubwa hususani katika kipindi hiki cha awamu ya tano ambapo kumekuwa na miradi mingi ya maendeleo inayotekelezwa katika maeneo mbalimbali ya Halmashauri.