Mkurugenzi Mtendaji atembelea miradi ya maendeleo ili kuona maendeleo yake

Posted on: January 3rd, 2025

Mkurugenzi Mtendaji wa Halmashauri ya Wilaya ya Mufindi Ndg.Mashaka Mfaume amefanya Ziara ya ukaguzi katika Miradi mbalimbali ndani ya Halmashauri ya Wilaya ya Mufindi lengo ikiwa ni kuona namna Miradi ya Maendeleo inavyotekelezwa na kutatua Kero kwa Wananchi na Kuangalia Ubora wa Miradi hiyo.

Ziara hiyo iliyotumia siku tatu(Tarehe 30-31/12/2024 na Tarehe 02/01/2025),Mkurugenzi Mashaka alifanikiwa kutembelea Miradi mbalimbali ikiwemo Kituo cha Afya Mninga,shule ya sekondari Igowole(Ujenzi wa bwalo la chakula na mabweni Mawili),Hospitali ya Wilaya(Nzivi) na Sekondari Mpya ya Kinengembasi ambapo shule hiyo imetengewa bajeti kiasi cha Tsh 583,000,000,Kituo cha Afya Sadani(Nyumba za watumishi,jengo la kufulia,maternity na Theatre), shule ya sekondari Mgalo ambapo alikagua bwalo la chakula na kuhitimisha Sekondari ya Ilongo

Mkurugenzi Mashaka ameridhishwa na Utekelezaji wa Miradi hiyo ambayo itaenda kutatua kero za Wananchi kwa Upande wa Elimu na Afya na kuagiza kuboresha sehemu ambazo ameona zina mapungufu ili miradi hiyo iendane na Thamani.