MAKALA: Mnufaika wa TASAF Afaidika, Ufugaji wa Mbuzi

Posted on: February 3rd, 2019

MAKALA: Mnufaika wa TASAF Afaidika, Ufugaji wa Mbuzi

 SEKTA ya Mifugo hapa nchini inayo dira ya maendeleo inayoendana na dira ya Tanzania kufikia mwaka 2025 inayotamka kuwa “Kuwe na sekta ya Mifugo ambayo ifikapo mwaka 2025 kwa sehemu kubwa itakuwa na ufugaji wa kisasa na endelevu yenye Mifugo bora, uzalishaji mzuri na inayoendeshwa kibiashara na yenye kuboresha lishe ya Mtanzania, kuinua kipato cha mfugaji, Taifa na kuhifadhi mazingira”.

Ufugaji unaofanywa na Bi. Ikinara Kitalima Mkazi wa Kijiji cha Itulavanu kata ya Ikongosi Tarafa ya Ifwagi Wilaya ya Mufindi Mkoani Iringa ambae ni mnufaika wa mfuko wa maendeleo ya jamii wa kunusuru kaya maskini (TASAF-Mufindi ) amesema kutokana na fedha ambazo anazipata toka mwaka 2015 zimemsaidia katika kununua cement na hatimae kufanya ujenzi wa choo bora, pia kununulia mbuzi ambao wanamsaidia kutatua shida mbalimbali katika maisha na familia yake .

Ufugaji wa Mbuzi na Kondoo ni shughuli muhimu ya kiuchumi inayohusisha takribani asilimia 30% ya kaya za wakulima wote ambao huchangia karibu asilimia 22% ya nyama nchini

Kwa Mujibu wa Bi. Kitalima alianza ufugaji akiwa na mbuzi mmoja jike ambae mpaka sasa ameweza kuzaliana mpaka kufikia mbuzi 08 lakini kwa sasa wamebaki mbuzi 06 baada ya kuuza mbuzi 02 ambao walimsadia katika kutatua shida mbalimbali za familia yake.

Baada ya kuuza mbuzi hao 02 alifanikiwa kununua vifaa vya shule kwa wajukuu wake ambao ni wanafunzi na wanamtegemea baada ya kufariki kwa wazazi wao, vifaa hivyo ni kama vile, madftari, kalamu, penceli na sabuni likini pia humsaidia katika chakula malazi na nguo.

Bi. Kitalima amesema katika mradi wake wa ufugaji hajapata msaada mwingine wowote zaidi ya fedha za TASAF na juhudi zake binafsi.

Aidha Malengo yake ya baadae ni kuongeza wigo wa ufugaji hasa kufuga kuku kupitia fedha za TASAF anazozipata kutoka serikalini na nyingine atakapouza baadhi ya mbuzi wake ili awe na aina tofauti tofauti ya ufugaji na hatimae kujiongezea kipato.

Anaishukuru serikali ya awamu ya tano inayoongozwa na Rais Dkt. John Pombe Magufuli kwa kuendeleza mfuko wa maendeleo ya jamii unaosaidia kaya maskini akiwemo yeye ambae ananufaika na mfuko huo na hatimae kumkwamua katika wimbi la umaskini aliokuwa nao.

“Kweli mnatusaidia ndio furaha yangu, sasa hivi watoto wanafurahi na wanaenda sekondari baada ya kufaulu mtihani wa darasa la saba hivyo sina wasiwasi na maisha hata kidogo, alisema Bi.  Kitalima.

Mbuzi anauwezo wa kuzaa mara mbili kwa mwaka na hukua haraka na huwa na gharama ndogo za uzalishaji ikilinganishwa namifugo mingine.

Ufugaji wao unapendwa na wafugaji wadogo kama Bi. Kitalima hata hivyo uzalishaji wa mbuzi bado unakabiliwa na vikwazo mbalimbali ikiwa ni pamoja na lishe duni, magonjwa, na miundombinu hafifu ya masoko.  

B

Picha Bi. Ekinala akizungumza na Mwanahabari wetu kuhusu mafanikio aliyoyapata kupitia Fedha za

TASAF