HALMASHAURI YA WILAYA YA MUFINDI YAKABIDHI PIKIPIKI SITA KWA MAAFISA UGANI IKIWA NI SEHEMU YA KUMUENZI HAYATI DR. JOHN POMBE MAGUFULI

Posted on: March 18th, 2022

HALMASHAURI YA WILAYA YA MUFINDI YAKABIDHI PIKIPIKI SITA KWA MAAFISA UGANI IKIWA NI SEHEMU YA KUMUENZI HAYATI DR. JOHN POMBE MAGUFULI.

Jumla ya pikipiki sita zimekabidhiwa kwa Maafisa Ugani wa Halmashauri ya Wilaya ya Mufindi ikiwa ni sehemu ya kumuenzi Hayati Dr. John Pombe Magufuli aliyehamasisha utendaji kazi wenye tija na kuthamini wananchi.

Akizungumza wakati wa Kukabidhi vitendea kazi hivyo, Mkuu wa Wilaya ya Mufindi Mheshimiwa Saad Mtambule amesema Pikipiki hizo zitarahisisha utendaji wa kazi kwa maafisa Ugani katika Halmashauri ya Wilaya ya Mufindi kuweza kuwafikia wananchi wote hasa maeneo ya pembezoni na kutatua changamoto yya usafiri. Hivyo amewataka kuvitunza na kuendesha kwa umakini visije leta madhara kwao.

Naye Mkurugenzi wa Halmashauri ya Mufindi Bi, Zaina Mlawa amesema Pikipiki tatu zenye thamani ya shilingi milioni nane zimenunuliwa na Halmashauri kutoka katika vyanzo vyake vya ndani na pikipiki tatu zimetolewa na Wizara ya Mifugo na uvuvi hivyo amewaomba maafisa ugani hao, kuhakikisha wanaboresha utendaji wao wa kazi na kutatua changamoto za wananchi.

Imeandaliwa na Ofisi ya Habari na Mawasiliano

Sima Bingileki

Afisa Habari