DED MUFINDI ASISITIZA UPENDO NA UCHAPAKAZI MIONGONI MWA WATUMISHI

Posted on: December 24th, 2020

DED MUFINDI ASISITIZA UPENDO NA UCHAPAKAZI MIONGONI MWA WATUMISHI

“Upendo ndiyo kila kitu katika maisha, tunatakiwa tupendane na kuheshimiana katika maisha yetu na kuwa na hofu ya Mungu”.

Kauli hii imetolewa na Mkurugenzi Mtendaji wa Wilaya ya Mufindi Ndugu Netho Ndilito alipokuwa akiongea na watumishi wake waliopo Ofisi Kuu leo Desemba 24, 2020.

Pamoja na mambo mengine Ndugu Ndilito ameongeza na kusema kuwa tufanye kazi kwa uadilifu na ufanisi pia kushirikiana katika kila hatua ili kutatu changamoto mbalimbali, kwani kupitia ushirikiano na upendo tunaweza kufanya kazi kwa umakini.

Ndugu Ndilito amewapongeza watumishi wake kwa kufanya kazi vizuri kwa mwaka huu unaoisha  2020 na kuwasihi kuendelea na moyo huo wa juhudi kwa mwaka ujao 2021 na kuwatakia sikukuu njema za X-mas na mwaka mpya.

Mwisho Ndgugu Ndilito amemaliza kwa kutoa zawadi ndogo kwa baadhi ya watumishi wake kuonesha upendo kwao.