DC Salekwa apongeza baraza la madiwani kupitisha miradi kwa mapato yua ndani

Posted on: May 16th, 2025

Mkuu wa wilaya ya Mufindi Mhe.Dkt @salekwalinda amelipongeza Baraza la Madiwani pamoja na timu ya menejiment kwa kuwa Halmashauri ya mfano kwa kupitisha Miradi Mikubwa ambayo Utekelezaji wake ni kupitia fedha za Mapato ya ndani.

Pongezi hizo amezitoa wakati wa Baraza la Madiwani ambapo amesema kuwa uhai na Hatma ya Halmashauri iko mikononi mwao kwahiyo wakikishe wanaendelea kushirikiana na kuwa wamoja katika kuwatumikia Wananchi na Taifa kwa Ujumla katika kusukuma gurudumu la Maendeleo. Aidha amesisitiza Waheshimiwa Madiwani kuendelea kuisemea vyema Serikali kwa kusimamia vyema Miradi ya Maendeleo.

Mwenyekiti wa Halmshauri ya Wilaya ya Mufindi Mhe Festo Mgina amezitaka kamati zote za Kisheria kuendelea kufanya kazi mpaka Baraza litakapovunjwa kikanuni ikiwemo kuendelea kusimamia ukusanyaji wa Mapato kwa kubainisha mianya ua utoroshwaji wa Mapato.

Kwa upande wa Mkurugenzi wa Halmashauri Ndg.Mashaka Mfaume ametoa shukrani zake kwa niaba ya timu ya menejimenti na kwamba Madiwani hao wamekuwa wasimamizi wazuri wa Miradi ya Maendeleo ndani ya Halmashauri na ana imani Baraza hilo litarejea tena mara baada ya Uchaguzi Mkuu kwani  wamefanya kazi kubwa inayoonekana pamoja na kuendeleza mazuri yaliyofanywa na Baraza hilo.