Bonanza la Watumishi Lafana Mufindi

Posted on: February 6th, 2020

Watumishi wa Halmashauri ya Wilaya ya Mufindi wamejumuika kwa pamoja kwa kushiriki michezo mabalimbli kupitia Bonanza la michezo kwa lengo kuwaleta pamoja na kujenga upendo miongoni mwao.

Bonanza hilo lililoongozwa na Mkurugenzi Mtendaji wa Halmashauri  Ndg, Netho Ndilito, limefanyika katika viwanja vya Donbosco na kujumuisha michezo ya Mpira wa miguu, mpira wa wavu, mpira wa kikapu, mpira wa mikono pamoja na mchezo  kuvuta kamba.

Michezo mingine ni mchezo wa riadha, kufukuza kuku, kukimbia na chupa ya maji ikiwa kichwani, kukimbia na yai likiwa kwenye kijiko kilichowekwa mdomoni pamoja na mchezo wa kukimbia kwenye magunia.

Akizungumza wakati wa kufunga Bonanza hilo, Mkurugenzi Mtendaji Ndugu Netho Ndilito, amewataka watumishi kujenga utamaduni wa kufanya mazoezi walau mara moja kwa wiki kwa lengo la kujenga na kuziimarisha Afya zao.