ALIYOSEMA MKUU WA WILAYA YA MUFINDI MH.SAAD MTAMBULE ALIPOKUWA AKIFUNGUA MAFUNZO YA ANWANI ZA MAKAZI KWA VIJANA 615 HALMASHAURI YA WILAYA YA MUFINDI.

Posted on: April 4th, 2022

ALIYOSEMA MKUU WA WILAYA YA MUFINDI MH.SAAD MTAMBULE ALIPOKUWA AKIFUNGUA MAFUNZO YA ANWANI ZA MAKAZI KWA VIJANA 615 HALMASHAURI YA WILAYA YA MUFINDI.

• Hongereni sana kwa kuchaguliwa kufanya kazi hii ya Anwani za Makazi, sasa mkafanye kazi.
• Mmechaguliwa kwa sifa, weledi na uzoefu mliokuwa nao na si vinginevyo.
• Serikali ina Imani kubwa na nyie hivyo mkafanye kazi kwa uaminifu.
• Mheshimiwa Rais anaimani kubwa na nyie katika utendaji wa kazi kwa kufuata haki na weledi.
• Kukamilika kwa zoezi hili kutapelekea zoezi la sensa kufanyika kwa ufasaha kwani maeneo yatakuwa yanatambulika.
• Kama kuna sababu ya ukweli na kuna dharula kuwa huwezi kushiriki zoezi hili hakikisha unatoa taarifa ili kazi isikwame iendelee.
• Ukiwa na uzembe au kuzembea hakika zoezi hili halikufai.
• Katika Halmashauri ya Wilaya ya Mufindi hatutaki kukosea wala kuharibu, hivyo tusiwe na visingizio katika anwani za makazi.
• Kila mtu akafanye kazi kwenye eneo lake kwa welledi na ufanisi mkubwa.
• Imani kubwa Serikali iliyonayo juu yenu mkaithibitishe.
• Hatutaki kukosea kosea tunafuatilia kwa umakini zoezi hili.
• Tuhakikishe tunakuwa makini kwa mafunzo tunayofundishwa ili tukayafanyie kazi.
• Mkienda huko kufanya kazi mkawe tofauti kwani nyie ni watumishi wa Umma, msiende kuishi bila nidhamu.
• Tabia zenu na mwenendo uendane na kazi mnayoenda kuifanya.
• Hakikisheni mnaenda kwa wakati kazini zingatieni muda wa kuanza kazi na kumaliza kazi.
• Mavazi,muonekano wenu uwe mzuri usikivu msilete utani kwenye kazi.
• Hili ni zoezi muhimu kwa nchi lazima tuwe makini, uzembe haukubaliki kwenye zoezi hili.
• Tunataka Uzalendo na juhudi katika kufanya kazi mkatekeleze wajibu wenu.
• Tuweke mbele maslahi ya Taifa Zaidi kuliko kitu chochote.
• Twendeni tukafanye kazi vizuri ya anwani za makazi katika Halmashauri ya Wilaya ya Mufindi.
• Imeandaliwa na 
• Ofisi ya Habari na Mawasiliano
•  
• Sima Bingileki
• Afisa Habari