HALMASHAURI YA WILAYA YA MUFINDI YAWEKA MIKAKATI YA UKUSANYAJI WA KODI ZA MAJENGO, MABANGO NA UUZAJI WA VITAMBULISHO VYA UJASIRILIAMALI

Posted on: February 16th, 2021

" Wajibu wenu kwenda kuwatambua wafanyabiashara katika maeneo yenu, ili kuweka mikakati bora ya ukusanyaji wa kodi za majengo na mabango. Nina uhakika mtafanya vizuri kwani Halmashauri ya Wilaya ya Mufindi inawatendaji wachapakazi"

Kauli hiyo imetolewa na Mkurugenzi wa Halmashauri ya Wilaya ya Mufindi Ndugu Netho Ndilito alipokuwa akizungumza na watendaji wa kata 27 na watendaji wa Vijiji 121 lengo likiwa ni kupanga na kuweka mikakati ya ukusanyaji wa kodi hizo.

Amesema wafanyabiashara katika maeneo yetu wako wa aina 3, wenye TIN number, wenye leseni za biashara na wenye vitambulisho vya ujasiriliamali , kama hakuna mfanyabiashara katika hao basi huyo anaujumu uchumi wa nchi.

Akitoa maelezo kuhusu nani anatakiwa  atozwe kodi ya jengo Afisa Biashara wa Halmashauri ya Wilaya ya Mufindi Ndugu Raymond Kalinda amesema miongozo ya nani anatakiwa alipe na majengo gani au nani asilipe, ipo, hivyo ifuatwe ili kutoza kwa usahihi bila kuvurugaa amani ya nchi.