Wenyeviti wa Halmashauri wapongezwa usimamizi mzuri wa matumizi ya fedha mapato ya ndani

Posted on: January 29th, 2025

Mkuu wa Wilaya ya Mufindi Mhe. Dkt. Linda Salekwa ametoa pongezi kwa wenyeviti wa Halmashauri za Wilaya ya Mufindi na Mafinga Mji kwa usimamizi na matumizi mazuri ya fedha za mapato ya ndani katika utekelezaji wa miradi ya maendeleo ikiwemo ujenzi wa vituo vya afya, vyumba vya madarasa na miradi mingineyo lengo ikiwa ni kuhakikisha huduma zinafika kwa wananchi.

Pongezi hizo amezitoa Januari 29, 2025 wakati wa kikao cha kamati ya ushauri wilaya kilichoketi kwa lengo la kupitia na kujadili rasimu ya mpango wa bajeti kwa mwaka 2025/26, kikkao kilichoshirikisha wadau mbalimbali wa maendeleo, taasisi na asasi za kiraia.

Kikao hicho kilipitia,kujadili na kushauri mambo mbalimbali katika rasimu hiyo, ambapo Halmashauri ya Wilaya ya Mufindi iliomba kuidhinishiwa kukusanya na kutumia kiasi cha shilingi 60,795,716,738.00 kwa ajili ya shughuli za uendeshaji na utekelezaji wa miradi ya maendeleo.

Kwa upande wake Mkurugenzi Mtendaji wa Halmashauri ya Wilaya ya Mufindi Ndg. Mashaka Mfaume amesema Halmashauri imejipanga Zaidi kupitia makusanyo yake ya ndani katika kutekeleza miradi ya maendeleo ili kuhakikisha huduma zinawafikia wananchi.