Waziri Ulega Azindua na Kuweka Jiwe la Msingi katika Miradi mbalimbali Mufindi

Posted on: September 30th, 2024

Waziri wa Mifugo na Uvuvi Mheshimiwa Abdallah Hamis Ulega(MB) amezindua Mradi Mmoja na kuweka Jiwe la Msingi katika Miradi Miwili ya Maendeleo ndani ya Halmashauri ya Wilaya ya Mufindi.

Mradi uliozinduliwa ni Shule ya sekondari Kihenzile iliyojengwa ndani ya kata ya Nyololo,kuweka Jiwe la msingi Kituo cha Afya Ihalimba(Kata ya Ihalimba)na Ujenzi wa Mabweni Matatu Shule ya Sekondari Kibengu,Kijiji cha Usokami kata ya Kibengu.

Akizungumza kwenye Mkutano wa Hadhara uliofanyika Tarehe 30/09/2024 katika Kata ya Kibengu Kijiji cha Usokami Mheshimiwa Ulega amewapongeza Mkuu wa Mkoa,Mkuu wa Wilaya,Mkurugenzi mtendaji wa Halmashauri ya Wilaya ya Mufindi na Madiwani kwa kusimamia na Kutekeleza Miradi mbalimbali ya Maendeleo ndani ya Halmashauri ya Wilaya ya Mufindi.

“Nomba nichukue fursa hii kumpongeza Mkuu wetu wa Mkoa,Mkuu wa Wilaya,Mkurugenzi Mtendaji na Washeshimiwa madiwani,Hongereni sana kwa kazi nzuri mnayofanya,Hongereni sana kwa Uadilifu,Uaminifu na Uchapakazi”.

Aidha Mheshimiwa Ulega amesema amefarijika kuona Maendeleo Makubwa ya Utekelezaji wa Miradi ambayo imepokea fedha kutoka Serikali kuu,Mapato ya ndani ya Halmashauri(own source)na Kikubwa zaidi uchangiaji wa nguvu za wananchi katika utekelezaji wa Miradi hiyo.

Katika Ziara Hiyo,Mbunge wa Jimbo la Mufindi Kusini Ambae ni Naibu Waziri wa Uchukuzi, Mheshimiwa David Mwakiposa Kihenzile ametoa pesa taslimu kwa Waalimu wa Kujitolea katika Shule ya Sekondari Kihenzile kama Motisha Kwa kazi Nzuri Wanayofanya