Waziri Kalemani apiga marufuku uagizaji nguzo nje ya nchi.

Posted on: December 3rd, 2017

WAZIRI KALEMANI:  MARUFUKU KUAGIZA NGUZO NJE YA NCHI

Waziri wa Nishati Mh. Medard Kalemani, amewataka wawekezaji  wa ndani kwenye sekta ya uzalishaji nguzo za kusafirishia nishati ya Umeme, kuhakikisha wanazalisha nguzo zitakazo kidhi mahitaji ya nchi na  zenye ubora, baada ya serikali kusitisha ununuzi wa nguzo  nje ya nchi.

Agizo hilo amelitoa wakati wa ziara ya kikazi Wilayani Mufindi, yenye lengo la kukagua ili kujiridhisha na uwezo wa viwanda vya kuchakata nguzo vya wawekezaji wa ndani waliopo Wilayani Mufindi.

Waziri kalemani amesema serikali ya awamu ya tano iliamua kusitisha uagizaji nguzo kutoka nchi za nje, baada ya kufanya tathimini na kujiridhisha kuwa, wawekezaji wa ndani katika sekta hiyo wanauwezo wa  kutosheleza mahitaji huku wakiongeza fursa ya ajira kwa vijana hapa nchini.

“Nataka hili niliweke wazi na ndio maana nimekuja kulisimamia kama Serikali na nitaomba muuhakikishie umma kwamba mnauwezo wa kutosha, na ndio maana juzi nilikuwa kwenye kiwanda cha Transifoma, sio nguzo zinapatikana Transifoma hazipatikani, Transifoma zinapatikana, nguzo hazipatikani, tunataka twende pamoja ili Watanzania hasa wale wanyonge wapate nishati hii kwa wakati na kwa gharama nafuu, Tanesko na Rea Mlisimamie hili.”

Wilaya ya Mufindi yenye rasilimali kubwa ya mazao ya misitu hapa nchini, inajumla ya Viwanda visivyopungua vitano vya kuchakata nguzo ,wakati viwanda viwili vya Qwihaya Enterprises na Sao Hill alivyotembelea vinauwezo wa kuchakata nguzo zisizopungua 450,000.00 kwa mwaka wakati mahitaji ya REA na Tanesko kwa miradi inayoendelea ni nguzo 90,000.00 pekee.