Watumishi Halmashauri ya Mufindi Waaswa Kuwa Wamoja na Kuzingatia Maadili ya Kazi

Posted on: November 25th, 2022

Watumishi Halmashauri ya Mufindi Waaswa Kuwa Wamoja na Kuzingatia Maadili ya Kazi

Watumishi wa umma Halmashauri ya Wilaya Mufindi wametakiwa kuongeza upendo baina yao sambamba na kuacha majungu na fitina ili kupunguza kadhia ya kutafutiana ajali kazini miongoni mwa watumishi hao.

Rai hiyo imetolewa na Naibu waziri ofisi ya Raisi menejimenti ya utumishi wa umma na utawala bora Mhe. Deogratius Ndenjembi, kwenye kikao na watumishi wa umma wa Halmashauri ya Mufindi na kusema kuwa watumishi hao wanatakiwa waishi kwa mfano kwa kuzingatia maadili ya utumishi wa umma.

Aidha Mhe. Ndenjembi, amewataka watumishi hao kutambua mipaka ya kazi yao huku akisisitiza kuwa hairuhusiwi kwa mtumishi kutoa taarifa mbaya za serikali mitandaoni na kwa watu wasioitakia mema serikali na kutoa msisitizo kwa watumishi hao kusimamia sheria, kanuni na taratibu za utumishi wa umma.

Pia Ndemjembi amesema kuwa Raisi wa Jamhuri ya Muungano wa Tanzania Mhe. Samia Suluhu Hassan anawajali watumishi wa umma ambapo kwenye halmashauri ya Mufindi pekee zaidi ya watumishi 500 wamepandishwa madaraja baada ya kusubiri kwa miaka sita mpaka saba