Watendaji wa Kata na Vijiji wanolewa ukusanyaji wa kodi ya Majengo

Posted on: April 10th, 2025

Mkurugenzi Mtendaji wa Halmashauri ya Wilaya ya Mufindi Ndg. Mashaka Mfaume amewaagiza Watendaji wa Kata na Vijiji wa Halmashauri hiyo kuhakikisha wanaisaidia Serikali katika kukusanya mapato kupitia kodi ya Majengo.

Ndg. Mashaka ametoa wito huo wakati akifunguamafunzo ya siku mbili kwa Watendaji Kata na Vijiji juu ya Kodi ya Majengo ambapo ameeleza kwamba Serikali inatambua kazi nzuri inayofanywa na Watendaji hivyo katika jukumu lakukusanya kodi ya Majengo wanao wajibu wa kulimamia zoezi hilo ipasavyo ili kuongeza Mapato ya Serikali.

"Hili ni jambo la Kisheria la kanuni na Kimuongozo Serikali yenyewe imeagiza tuwatumie Watendaji tuliowaajiri wafanye kazi hii kuisaidia Halmashauri na Serikali"  Amesema Mashaka.

Sambamba na hayo Ndg. Mashaka amewataka Watendaji hao kuzingatia Mafunzo wanayopewa na Wawezeshaji ili wasipate shida wakienda kukusanya kodi hizo.

"Niwatake muwe wasikivu sana kwa sababu haya ni mambo ya Kitaalamu yainayowataka muwe na Simu janja, na Teknolojia ya sasa ukiachia mafunzo haya naamini Watendaji wangu Simu janja mnazo na Kama hauna kwenye ulimwengu huu mambo mengi yatakupita". Amesema Mashaka

Kwa upande wake mmoja wa wawezeshaji wa mafunzo hayo Daudi Mambo Mhasibu wa Halmashauri ya Wilaya ya Mufindi amebainisha nyumba zinazotakiwa kulipiwa kodi kuwa ni Nyumba za kawaida ambazo  na maghorofa, ambapo kodi kwa nyumba za kawaida kwa mwaka ni Shilingi elfu 18 huku upande wa ghorofa ni Elfu 90 kwa sakafu moja.