Wajasiriamali Mufindi kunufaika na MUYOWIRUDE

Posted on: October 3rd, 2019

Wajasiriamali Mufindi kunufaika na  MUYOWIRUDE.

Taasisi ya Mufindi Youth and Women Initiative for Rural Development (MUYOWIRUDE) imeendesha semina ya siku mbili ya ujasiriamali kwa Maafisa maendeleo ya jamii wa ngazi ya Kata wa Halmashauri ya Wilaya ya Mufindi ili wakawajengee uwezo wajasiriamali waliopo katika Kata za Halmashuri hususani Wanawake na Vijana.

Mkurugenzi wa Mufindi Youth and Women Initiative for Rural Development (MUYOWIRUDE) Marco Shayo, amesema lengo ni kuwawezesha wanawake na vijana wajasiriamali wanaopatikana katika  kata, kuwa na mazingira wezeshi ya kuendesha shughuli za kijasiriamali pamoja na kukopesheka kirahisi kwa kupata mitaji kupitia vikundi vyao vya ujasiriamali vilivyoundwa.

“Tunataka kuwajengea uwezo wananchi wetu vijana na kinamama huko Kwenye ngazi ya kata waweze kupata mbinu mbalimbali, mfamo namna ya kuunda vikundi namna ya kuvisajili katila ngazi ya halmshauri ya Wilaya ya Mufindi  ili vikundi hivi viweze kukopesheka kirahisi hasa katika kipindi hiki cha kilimo hawa kinamama na vijana waweze kulima kilimo chenye tija ”.

Taasisi hiyo pia inakusudia kuwekeza kwenye Kiwanda cha kusindika Palachichi katika Wilaya ya Mufindi, ambapo itakuwa inanunua mazao ya parachichi kutoka kwa vikundi vya wajasiliamali vya Wanawake na Vijana wanaojihusisha na kilimo cha parachichi huku uwepo wa kiwanda hicho ukitajiawa kupunga tatizo la kukosekana kwa ajira hasa kwa Vijana wa Wilaya ya Mufindi.

Aidha, taasisi hiyo inajihusisha na kilimo huku kipaumbele chake ni kilimo cha parachichi na inahamasisha Vijana na Wanawake kulima matunda hayo kupitia vikundi vilivyosajiliwa na kuwawezesha kukopesheka kwa urahisi sanjari na  kutoa huduma ya kugawa miche ya parachichi bure kwa vikundi vyote vya ujasiliamali vinavyopatikana katika Halmashauri ya Wilaya ya Mufindi.

Semina hiyo iliyoondeshwa na taasisi ya Mufindi Youth and Women Initiative for Rural Development (MUYOWIRUDE) inafanyika kwa mda wa siku mbili na  imejumuisha jumla ya maafisa maendeleo jamii wa kata thelathini na saba (37) kutoka katika halmashauri ya Wilaya ya Mufindi.

Mkurugenzi wa ASAS ya MUYOWIRUDE 

Bw. Marco Shayo