Wadau wa Sekta ya Mazao ya Misitu wakutana Mufindi Kuweka Mikakati ya Kukabiliana na Mot

Posted on: June 22nd, 2022

Wadau wa Sekta ya Mazao ya  Misitu wakutana Mufindi Kuweka Mikakati ya Kukabiliana na Moto

Kamishina Mkuu wa Hifadhi za misitu Taifa Prof. Santos Silayo, amesema kuwa, misitu inasaidia kukua kwa sekta zingine hapa nchini  kwani inatehemewa kwa utoaji wa malighafi nyingi hivyo lazima misitu ilindwe ili kusaidia ukuaji wa sekta nyingine.

“Tupo hapa kwa ajili ya uchumi wa Taifa letu hivyo asitokee mtu akatuhujumu maana watu wanaamini wanahujumiwa ili wauze mashamba yao mapema”

Kaimu Katibu Tawala Mkoa wa Iringa Mh. Golyama Bahati amewaomba wananchi wote wa Mkoa wa Iringa na Mikoa Jirani kama vile Morogoro hususani Wilaya ya Kilombero wawe na mtazamo mmoja juu ya hasara na athari zitakazotokana na moto hasa utakapounguza misitu

“Tunahitaji maono ya pamoja tumekutana hapa ili kila mmoja atambue kwamba kuna changamoto kubwa ya moto na ukiendelea kuwepo hatuwezi kupata mazao bora kwenye sekta ya misitu”.

Kwa upande wake Mkuu wa Wilaya ya Mufindi Mh. Saad Mtambule, amewaomba wananchi wote wa Wilaya ya Mufindi na Wilaya jirani ambazo zipo kwenye hatari ya kuunguliwa na misitu waungane kwa pamoja ili waweze kumshinda adui moto

“Moto kwenye misitu ni adui yetu mkubwa tena siyo adui wa mtu mmoja ni adui wa sisi wote kuanzia Yule anayeotesha miche,Yule anayepanda miti, Yule anayesafirisha mwenye viwanda anayechakata, yule anayekusanya mapato wote hao tunaathirika na adui moto”. 

Naye Mkuu wa Wilaya ya Kilombero Mh. Hanji Godigodi, amesema kuwa Wilaya yake imetenga fedha kwa ajili ya kununulia vifaa vya kudhibiti moto utakaozuka katika misitu iliyopo Wilayani mwake kwa ajili ya kunusuru hatari ya kuteketea kwa misitu zaidi katika Wilaya hiyo.