UPATIKANAJI WA CHAKULA BORA KWA AFYA BORA-RC KHERI JAMES

Posted on: January 28th, 2026

Jamii yoyote makini huwekeza kwenye afya ya watu wake kwa kuhakikisha inapata chakula Bora Kwa mustakabali wa kuwa na jamii yenye afya Bora"

Hayo yamebainishwa na Mkuu wa Mkoa wa Iringa Comrade Kheri James wakati wa kikao cha tathmini ya utekelezaji wa mkataba wa lishe kwa kipindi cha Julai -Desemba 2025 kikao kilichohusisha kamati za lishe za Halmashauri zote za mkoa wa Iringa pamoja na wadau mbalimbali wakiwemo viongozi wa dini.

Aidha amesisitiza uhamasishaji wa wazazi kuhakikisha watoto wanapata chakula shuleni, shule zenye maeneo kulima mazao ya chakula, matunda na mboga mboga, siku ya Sadiki(lishe) kutumika kutoa elimu kwa wananchi umuhimu wa lishe ili kuepuka udumavu na utapiamlo. Halmashauri kutenga fedha za afua za lishe na kuzitumia kama zilivyokusudiwa pamoja na kuweka taarifa zote za lishe kwenye mfumo husika.

Sambamba na hayo amewataka maafisa lishe kuendelea kutoa elimu na kufatilia aina ya vyakula vinavyoliwa, namna ya uandaaji na utunzaji wa vyakula hivyo ili viwe bora, huku akisisitiza kamati za chakula mashuleni kutanya majukumu yao kikamilifu.