UCHAGUZI UWE HURU NA WA HAKI-DC LINDA

Posted on: November 13th, 2024

Mkuu wa Wilaya ya Mufindi Mhe Dkt Linda Salekwa (PhD) amewaasa watendaji wa kata, Mitaa, Vijiji na Maafisa Tarafa wa Halmahauri ya Mufindi na Mafinga Mji Kuhakikisha Uchaguzi Unakuwa Huru na wa Haki.

Mhe;Dkt Linda amewaagiza Kusimamia kikamilifu Wananchi ili Wapige Kura kwa Kufuata Sheria, kanuni na Taratibu huku akisema kuwa ofisi yake itasimamia hali ya Usalama kwa wakati wote wa Uchaguzi wa Serikali za Mitaa.

Ameyasema hayo leo wakati wa kikao kazi na watumishi hao ikiwa ni kikao kwaajili ya kutoa Maelekezo juu ya Uchaguzi wa Serikali za Mitaa utakaofanyika tarehe 27 mwezi wa 11 mwaka 2024.

Pia ametoa rai kwa kundi hilo kushikirikiana na Mabalozi wa Mitaa kupanga mkakati utakao wezesha kutoa hamasa kwa wananchi kwenda kushiriki katika zoezi la kupiga kura siku itakapofika.

Sambamba na hayo amewataka kutoa huduma bila upendeleo kwa vyama vyote vitakavyoshiriki katika zoezi hili na kutogomea maagizo yatakayotolewa kwani ofisi yake itakuwa wazi kupokea taarifa na changamoto zitakazo jitokeza.