Naibu Waziri wa Viwanda, Biashara na Uwekezaji Mhe. Exzaud Kigahe, ahimiza Ushrikiano wa Viongozi na Wananchi

Posted on: May 23rd, 2022

NAIBU WAZIRI VIWANDA NA BIASHARA MH. EXAUD KIGAHE (MB) AHIMIZA USHIRIKIANO WA VIONGOZI NA WANANCHI.

Naibu waziri wa Uwekekazi, Viwanda na  Biashara Mheshimiwa Exaud Kigahe ambaye ni Mbunge wa Jimbo la Mufindi Kaskazini amehudhuria kikao cha Kawaida cha Baraza la Madiwani kwa robo ya tatu kilichoketi katika Ukumbi wa Halmashauri ya Wilaya ya Mufindi- Bomani.

Kikao hicho kilikuwa na agenda mbalimbali ikiwemo kupitisha taarifa za Kamati za Kudumu za Halmashauri, taarifa mbalimbali za Halmashauri pamoja na Mapendekezo ya Eneo la Ujenzi wa Chuo cha Veta Halmashauri ya Wilaya ya Mufindi.

Akiongoza kikao hicho cha Baraza la Madiwani Mheshimiwa Festo Mgina amesema Mapato ya Hhalmashauri yanakusanywa kwa ufanisi na weledi mkubwa, hivyo pongezi ziende kwa  Mkurugenzi na wataalam kwa utendaji wa kazi mzuri, usimamizi wa fedha za miradi ya maendeleo pamoja na usimamizi wa utekelezaji wa miradi mbalimbali ya maendeleo. Hii yote ni kutokana na Usimamizi mzuri wa Baraza la Madiwani na wataalamu wanakubali kushaurika kila wakipewa ushauri na viongozi wa Halmashauri.

Akitoa salamu kwa Baraza hilo la Madiwani Naibu Waziri Mheshimiwa Exaud Kigahe amesema kuwa kazi ya viongozi ni kuleta Wananchi Pamoja na sio kugawa wananchi. Hivyo amewataka waheshimiwa Viongozi wa Halmashauri ya Wilaya ya Mufindi kuendelea kuwa wamoja na kuleta wananchi pamoja kwani maendeleo ya kila eneo yanaanza kwa viongozi kusimamia wananchi.

Aidha Naibu waziri amewataka viongozi na wananchi wa Halmashauri ya Wilaya ya Mufindi kuhakikisha zoezi lililombele la SENSA linafanyika kwa haki na ufanisi mkubwa na kila mmoja awe tayari kuhesabiwa kwani, SENSA ni hatua ya kwanza ya  Serikali kupanga mipango yake.

Kikao cha Baraza la Madiwani kimehudhuriiwa na Wananchi halmashauri ya Wilaya ya Mufindi, Mkurugenzi wa Halmashauri ya Wilaya ya Mufindi Bi, Zaina Mlawa pamoja na wataalamu mbalimbali wa Halmashauri ya Wilaya ya Mufindi na Viongozi wa Taasisi mbalimbali.

Imeandaliwa

Ofisi ya Habari na Mawasiliano