Mwenge wa Uhuru wazindua, wakagua na kuweka jiwe la msingi miradi 9 Halmashauri ya Mufindi

Posted on: June 22nd, 2024

Mwenge wa Uhuru umepokelewa wilayani Mufindi mkoani Iringa ukitokea mkoani Njombe ambapo utakimbizwa kwa km 873 kwa kukagua na kupima ubora wa miradi 50 yenye thamani ya shilingi bilioni 665.6 kwa mkoa wote wa Iringa.

Makabidhiano ya Mwenge wa Uhuru kimkoa yamefanyika Juni 22, 2024 baina ya Mkuu wa Mkoa wa Njombe Mh. Antony Mtaka na Mkuu wa Mkoa wa Iringa katika kijiji cha Nyigo kata ya Itandula Wilayani Mufindi ambapo umebebwa na kauli mbiu isemayo Tunza Mazingira na Shiriki uchaguzi wa Serikali za Mitaa kwa Ustawi wa Taifa Endelevu.

Mwenge wa Uhuru wilayani Mufindi umekimbizwa katika Halmashauri ya Wilaya ya Mufindi kwa km 137.2 miradi 9 yenye thamani ya shilingi billion 488.8 ambapo umezindua miradi, kukagua na kuweka jiwe la msingi katika miradi mbalimbali ikiwemo ujenzi wa vyumba viwili va madarasa na ofisi, ujenzi wa kituo cha afya Mninga, uzinduzi mradi wa maji Ibatu, ukaguzi wa shamba la kilimo na mifugo na miradi mingine.

Mwenge umepitia miradi mbalimbali ikiwemo uzinduzi wa shule ya msingi nyigo umezindua vyumba vya madarasa viwili na ofisi vyenye thamani ya shilingi milioni 50.4 huku ukikagua mradi wa shamba la kilimo na mifugo ASAR katika kijiji cha Iramba mradi ambao unahusisha ufugaji wa samaki, ng’ombe, bata na kuku huku upande wa kilimo ukijihusisha na kilimo cha parachichi.

Akitoa ujumbe wa Mwenge wa Uhuru Mkimbiza Mwenge wa Uhuru kitaifa Ndg.Godfrey Mnzava ametoa rai kwa wananchi wa Halmashauri ya Mufindi kuendelea kurithisha vizazi vya sasa na vijavyo juu ya faida za falsafa ya Mwenge wa Uhuru ikiwemo kudumisha umoja na mshikamano.

Aidha amewataka wananchi wote wenye sifa kushirki katika Uchaguzi wa Serikali za Mitaa wa kuhakikisha wananchagua viongozi wenye sifa , wasiotoa wala kupokea rushwa kwani rushwa ni adui wa haki ambapo ametaka kuchaguliwa kwa viongozi wazalendo na wenye sifa za kuwahudumia wananchi.

 Sambamba na hayo amesisitiza utunzaji wa mazingira kwani suala la maingira ni sala mtambka hivyo kila mwananchi anao wajibu wa kutunza mazingira huku akisistiza suala zima a mapambano dhidi ya malaria kwa kila mwananchi kuhakikisha anapambana na ugongwa wa malaria ikiwemo kuepuka matumizi ya madawa kwa mazoea