Mwenge

Posted on: May 2nd, 2023

Mwenge wa Uhuru Waridhia Miradi Ya Bilioni 4.9 Halmashauri ya Mufindi

Mwenge wa Uhuru umehitimisha mbio zake katika Halmashauri ya Wilaya ya Mufindi kwa kuzindua, kukagua na kuweka mawe ya msingi jumla ya miradi sita yenye thamani ya Shilingi Bioni 4,925,513,649.

Mwenge wa wa Uhuru mwaka 2023 umekimbizwa umbali wa Km. 80.8 katika mbio hizo,umezindua miradi ifuatayo; Uzinduzi wa klabu ya Mzingira katika shule ya wasichana Mufindi, kuweka jiwe la msingi ujenzi wa bweni  katika shule ya Sekondari mbalamziwa thamani Milioni 131,000,00.00, ukaguzi wa mradi wa ufugaji Ng’ombe wa mziwa katika kata ya Nyololo na Maduma thamani 1,444,100,000 chini ya ufadhili wa World Vision.

Miradi Mingine ni ukaguzi wa wa vikundi vya wajasiriamali vya wanawake, Vijana na watu wenyeulemavu waliopewa mikopo isiyokuwa na riba kutoka Halmashauri, thamani bilioni 1,145,710,000.00, ujenzi wa kituo cha Afya Kasanga Kata ya Kasanga, thamani Milioni 152,000,000.00, ujenzi wa Maji  katika Vijiji vya  Igowole, Ikwega na Mkalala, thamani 3,242,561,649.15 bila vati.

Mwenge wa Uhuru ulipokelewa Mkoa wa Iringa kupitia Halmashauri ya Mufindi tarehe 1/05/2023 katika shule ya Sekondari Itandula kata ya Itandula, ukakesha katika Uwanja wa shule ya Msingi Igowole na mapema 02/05/2023 ulikabidhiwa kwa Halmashauri ya Manispaa ya Iringa katika uwanja wa shule ya Msingi Kitwiru.

Kauli mbiu ya Mwaka 2023 ni Tunza Mazingira Okoa Vyanzo vya Maji kwa Ustawi wa Viumbe Hai na Uchumi wa Taifa.