Mufindi na Fursa Mpya ya Kilimo Cha Parachich

Posted on: December 16th, 2021

Mufindi na Fursa Mpya ya Kilimo Cha Parachichi

Na Ombeni Mgongolwa.

Zaidi ya shilingi milioni miatatu zimetolewa kwenye vikundi vidogo vidogo vya kijasiriamali Wilayani Mufindi ikiwa ni sehemu ya mpango mkakati wa kuinua vikundi tofauti tofauti katika Halimshauri hiyo.

Hayo yamesema na Mkurugenzi Mtendaji wa Halmashuri ya Wilaya ya Mufindi, Bi. Zaina Mlawa wakati ametembelea vikundi vitatu vya uwatikaji wa miche ya parachichi vilivyopo Wilayani humo katika Kata ya Nyololo ikiwa ni mwendelezo wa kukuza uchumi kwa wakulima.

Bi Zaina ameongeza kuwa, serikali imekuwa ikihakikisha vikundi mbali mbali katika jamii hususan akina mama wanapata fursa ya kupata mikopo isiyo na riba inayotolewa na halmashauri zote nchini ili kuhakikisha wanakuwa kiuchumi pamoja na kunyanyua familia zao.

Amesema, “ tumekuwa tukiwaamini wafanyabishara wadogo kwa kutoa mikopo mikubwa ya kuanzia milioni 20 hadi 30 ilimradi awe ana uwezo wa kurejesha pesa hiyo, na akifanikiwa kurejesha tunampandisha kiwango cha mkopo hadi kufikia milioni 50.”

Aidha amesisitiza kuwa, kuna umuhimu kwa wakulima kufuata malekekezo ya wataalamu wa kilimo ikiwa ni pamoja na matumizi bora ya viuatilifu pamoja na mbolea ambazo zinafaa kulingana na eneo husika.

Naye mwezeshaji wa kilimo kupitia shirika la Feed the Future Bw. Chesco Ng’ande ameiomba serikali kupitia upya bei za mbolea na viuatilifu, ikiwa ni pamoja na kupunguza gharama za ununuzi wa pembejeo kwa kuweka ruzuku inayokidhi ili kumnufaisha mkulima.

Hata hivyo, wakizungumza kwa nyakati tofuti wakulima wa kilimo cha mboga mboga na matunda katika bonde la Mafungu kata ya Sadani na wawatikaji wa miche ya parachichi kata ya Nyololo wameiomba serikali kuendelea kuwapatia mikopo ambayo itawawezesha kuongeza uwezo wa kuzalisha miche tofauti tofauti kulingana na amahitaji ya wakulima