Mkuu wa Wilaya Mufindi na Ziara ya Kukagua Miradi ya BOOST

Posted on: July 18th, 2023

Mkuu wa Wilaya Mufindi na Ziara ya Kukagua Miradi ya BOOST

Mkuu wa Wilaya ya Mufindi Mhe. Dkt. Linda Salekwa, akiwa na kamati ya Ulinzi na usalama ameendelea na ziara ya kukagua utekelezaji wa miradi ya uimarishaji Miundombinu ya Shule za Msingi katika Halmashauri ya Wilaya ya Mufindi Kupitia mradi ya BOOST.

Mara hii Mkuu wa Wilaya amezuru Kata ya Kibengu katika Shule ya Msingi Kipanga B. ambapo Pamoja na kutoa maelekezo kadhaa, Mkuu wa Wilaya ameipongeza Halmashauri ya Wilaya ya Mufindi kwa utekelezaji wa mradi katika shule ya Msingi Kipanga B. Kijiji cha Kipanga.

“Lakini niseme tu kwamba, nawapongeza kwakweli, najua ni maradi mabao upo nyuma kuliko miradi yote, lakini kutokana na  hali tuliyoiona Pamoja na maelezo ya viongozi wa Kijiji, kwa kweli mmejitahidi nawapongeza sana”

Aidha Dkt. Linda pia, amezungumzana na wananachi wa  Tarafa Kibengu kupitia Mkutano wa hadhara uliofanyika katika viwanja vya  Ofisi ya Kata ya Kibengu ambapo wananchi ewalipata fursa ya kumweleza kero zao  Pamoja na kuuliza maswali.

Shule ya Msingi Kipanga B.ni miongoni mwa shule nyingi katika Halmashauri ya Wilaya ya Mufindi zilizonufaika na mradi wa BOOST, ambapo Rais wa Jamhuri ya Muungano wa Tanzania Mhe. Dkt. Samia Suluhu Hassan, ametoa jumla ya shilingi Milioni 106 kwa ajili ya ujenzi wa Madarasa manne Pamoja na matundu matatu ya vyoo.