MKUU WA MKOA WA IRINGA QUEEN SENDIGA AZINDUA MFUMO WA ANWANI ZA MAKAZI-IRINGA

Posted on: March 18th, 2022

Mkuu wa Mkoa wa Iringa Mheshimiwa Queen Sendinga amezindua Mfumo wa Anwani za Makazi Mkoani Iringa, Kata ya Wambi mtaa wa Pipeline katika  Halmashauri ya Mji wa Mafinga ambapo  wawakilishi kutoka Halmashauri  zote za mkoa wa Iringa zimehudhuria.

Amesema  mpaka sasa hatua iliyofikiwa na Halmashauri zote ni  kutoa elimu kwa wananchi,kujenga Uelewa kwa waheshimiwa madiwani na wenyeviti wa vijiji na mitaa kuhusiana na anwani za makazi, Uhamasishaji umefanyika kwa njia mbalimbali ikiwemo vipeperushi, mabango,  gari la matangazo pia kwa Halmashauri ya Wilaya ya Mufindi, uhamasishaji umefanyika kupitia redio Mufindi fm na mikutano ya hadhara.

“Ifikapo tarehe 30/4/2022 hakikisheni zoezi hili kwa mkoa wa Iringa na Wilaya zake liwe limekamilika kwa ufanisi wa hali ya juu na ubora, hii inapelekea kufanya zoezi la sense ya watu na makazi kufanyika kwa urahisizaidi mwezi wa nane na kurahisisha upangaji wa mipango ya Serikali kufanyika kwa ufanisi”

Aidha, amewapongeza Wakuu wa Wilaya wa Mkoa wa Iringa, Wakurugenzi pamoja na wataalamu kwa jitihada walizofanya mpaka sasa ili kukamilisha zoezi hili la mfumo wa anwani za makazi na amewataka kuhakikisha taarifa zote za anwani za makazi zinakuwa sahihi na za ukweli.

Zoezi hili linafaida kubwa kwani Serikali itaweza kupanga mipango yake, kwa kufahamu idadi ya watu mitaa na nyumba katika maeneo yote, mitaa yote itakuwa na majina na nyumba zitakuwa na namba. Biashara zitakuwa rahisi kufanyika na mawasiliano yatakuwa rahisi.

Imeandaliwa na Ofisi ya Habari na Mawasiliano

Sima Bingileki

Afisa Habari