Mkuu wa Mkoa Aridhishwa

Posted on: December 13th, 2022

Mkuu wa Mkoa Iringa Aridhishwa, Maandalizi ya Kuwapokea Kidato cha Kwanza

Mkuu wa Mkoa wa Iringa Mhe.Halima Dendego amefanya ziara ya siku moja katika Halmashauri ya Wilaya ya Mufindi kukagua utekelezaji wa  miradi ya ujenzi wa madarasa 09 yenye thamani ya Shilingi Milioni 180 Fedha iliyotolewa na Mhe. Rais Dkt. Samia Suluhu Hassan, kabla ya kaunza kwa kidato cha kwanza mapema mwaka ujao 2023.

Akizungumza wakati wa ukaguzi huo, Mhe Halima Dendego, amesema kuwa ameridhishwa na ujenzi wa miradi ya madarasa yenye lengo la kuondosha uhaba wa madarasa pamoja na kuboresha mazingira ya ujifunzaji na ufundishaji  katika Shule za Sekondari alizopita na kukagua  ambazo ni Igombavanu, Ilongo, Ihowanza, Nzivi pamoja na Igowole.

"Mhe. Mkuu wa Wilaya, Mwenyekiti wa chama  tawala na Mwenyekiti wa Halmashauri, mimi nimeridhishwa sana na utekelezaji wa miradi hii, miradi imetekelezwa vizuri na kwa kasi na mimi huwa sina maneno mengi nikikuta maelekezo yametekelezwa kwa kiwango kizuri hivi"

Aidha Mhe. Mkuu wa Mkoa, amewaomba Viongozi akiwemo  Mkuu wa Wilaya, Mwenyekiti wa Chama, Mwenyekiti wa Halmashauri pamoja na Baraza la Madiwani, kuketi chini ili kutathimini namna ya upatikanaji wa mabweni kwa wanafunzi ili kuwaokoa na vikwamizo kutokana na shule kuwa mbali na makazi yao.

Nao baadhi ya Walimu na Viongozi wa serikali na chama wametoa shukurani nyingi  sana kwa Dkt. Samia Suluhu Hassan, Rais wa Jamhuri ya Muungano wa Tanzania kwa kazi nzuri na  kuhakikisha Watoto wote wanapata elimu katika mazingira bora kwa manufaa yao ya baadae.

Taarifa na ;

Kitengo cha Masiliano Serikalini

Halmashauri ya Wilaya ya Mufindi