MKURUGENZI MUFINDI DC AGAWA HATIMILIKI ZA KIMILA 105

Posted on: November 12th, 2024

Hatimiliki 105 za kimila zimewezeshwa na Shirika la @careinternationalintanzania kupitia mradi wa Pesa Yake, Maisha yake kwa kushirikiana na Halmashauri ya Wilaya ya Mufindi.

Akikabidhi hati hizo kwa wanufaika Mkurugenzi Mtendaji wa Halmashauri ya Wilaya ya Mufindi Ndg. Mashaka Mfaume amewataka wanufaika kuzingatia masharti ya Hati hizo ili kuepuka migogoro ya umiliki wa ardhi pamoja na kuzitumia kwa malengo mazuri ili ziwasaidie kujikwamua kiuchumi.

Aidha Mkurugenzi amepongeza shirika la @careorg kwa kuunga mkono juhudi za Serikali kwa kutoa Misaada mbalimbali ambayo inawasaidia wananchi kujikomboa kiuchumi ikiwemo elimu ya ujasiriamalo ili kujikwamua kiuchumi .

"Natoa shukrani zangu zaidi kwa CARE kwa kushirikiana na Halmashauri ya Wilaya ya Mufindi kuwezesha kutoa elimu na kuwezesha vipande 105 ambapo kati ya vipande hivyo,vipande 75 ni vya akina mama,hili ni jambo kubwa sana"

Aidha Mkurugenzi amemshukuru Rais wa Jamhuri ya Muungano wa Tanzania Dkt. @samia_suluhu_hassan na Serikali yake ya Awamu ya Sita kwa kulegeza masharti ya mikopo ya 10% ambapo umri wa vijana umeongezwa kutoka miaka 35 mpaka miaka 45 ili kuongeza fursa kwa makundi ya Wanawake, Vijana na wenye ulemavu..

Mkurugenzi hakusita pia kuwakumbusha wanakijiji wa kata ya Luhunga kujitokeza kwa wingi kushiriki Uchaguzi wa Serikali za Mitaa unaotarajiwa kufanyika tarehe 27/11/2024.