Mikopo ya Milioni 333 Yakopeshwa kwa Wanawake, Vijana na Walemavu

Posted on: January 24th, 2020

Milioni 333 Zakopeshwa Kwa Wanawake, Vijana na Walemavu Halmashauri ya Mufindi  

         Halmashauri ya Wilaya ya Mufindi imetoa Fedha ya mkopo kiasi cha zaidi ya shilingi Milioni 333 kwa vikundi 110 vikiwa na jumla ya  wanufaika 1,108.

Hafla ya kukabidhi hundi imeongozwa na Mwenyekiti wa Halmashauri ya Wilaya ya Mufindi na Diwani wa kata ya Mninga Mhe. Festo Mgina, aliyekuwa mgeni wa heshima katika hafla hiyo.

Kati ya makundi hayo matatu, vikundi vya wanawake ni 78 ambavyo  vimekopeshwa zaidi ya Milioni 233, Vijana vikundi 29 vimekopeshwa zaidi ya Milioni 93 pamoja na vikundi vitatu (03) vya Walemavu ambavyo vimenufaika na Milioni 7.5

Katika mwaka huu wa Fedha 2019/2020 Halmashauri ya Mufindi inatarajia kuyakopesha makundi haya maalum jumla ya shilingi Milioni 617, ikiwa ni utekelezaji wa takwa la kisheria linaloziagiza Halmashauri kutenga asilimia 10 ya mapato ya kila mwezi ili yatumike kuyakopesha Makundi maluum ya Wanawake, Vijana na Walemavu kwa lengo la kuyakwamua kiuchumi.

Mkuu wa idara ya Maendeleo ya Jamii Hatibu Bwashehe akizungumza kabla ya kumkaribisha Mgeni wa heshima

Baadhi ya viongozi wa Vikundi vya Wanawake, Vijana na Walemavu wakifuatilia matukio mabalimbali wakati wa hafla ya kukabidhi Mikopo