Maandalizi ya Mapokezi ya Mwenge wa Uhuru yakamilika Mufindi

Posted on: April 16th, 2017

Zikiwa zimesalia siku saba kabla ya Mwenge wa Uhuru kuwasili   Wilayani Mufindi, Kamati ya ulinzi na usala ya Mkoa wa Iringa ikiongozwa na Mkuu wa Mkoa Bi Amina Masenza, imeridhishwa na maandalizi ya mapokezi ya Mwenge wa Uhuru ya halmshauri ya Wilaya ya Mufindi, baada ya kufanya ziara ya kukagua miradi 07 itakayo pitiwa na Mwenge wa Uhuru katika  halmashauri hiyo.

Akizungumza mara baada ya kukamilisha ziara hiyo Mwenyekiti wa kamati ya Ulinzi na usalama Mkoani Iringa ambaye pia ndiye Mkuu wa Mkoa, amemuagiza Mkuu wa Wilaya ya Mufindi Mh. Jamhuri William, kutumia siku zilizosalia kukamilisha maandalizi yote sanajari na kufanya marekebisho madogo yaliyoonekana kwenye baadhi ya  miradi hiyo.

Aidha, baada ya Mwenge wa Uhuru kuwasili katika halmashauri ya Wilaya ya Mufindi mapema jumapili asubuhi ya tarehe 23, utakagua, utazindua na kuweka mawe ya msingi katika mira  mbalimbali ikiwa ni pamoja na mradi wa nyumba viwili vya madarasa katiaka Shule ya Sekondari Itanduala, kuzindua klabu ya mapambano dhidi ya Rushwa Shule ya Sekondari ya Wasichana ya Mufindi, mradi wa kituo cha afya Mbalamaziwa, mradi wa Kiwanda cha kutibu nguzo (Leshea Investiment) Nyololo.

Miradi mingine ni ule wa ujenzi wa barabara ya Tambalang’ombe – Maduma km 20, Maduma, kuzindua ukarabati wa mradi wa maji Maduma sanjari na mradi wa shamba la mahindi Shule ya Msingi Maduma.