KURA 31 ZA NDIO ZAMUIBUA TENA MHE. MASANGULA

Posted on: September 8th, 2024

Mwenyekiti wa Halmashauri ya Wilaya ya Mufindi Mhe. Festo Elias Mgina ameongoza Mkutano Mkuu Baraza la Madiwani katika Halmashauri hiyo kwa mwaka 2023/2024 ambapo mkutano huo umetawaliwa na ajenda kuu mbili ikiwemo ya Uchaguzi wa Makamu Mwenyekiti na Kamati za Kudumu pamoja na kuwasilisha taarifa ya utekelezaji wa miradi mbalimbali ya maendeleo kwa mwaka wa 2023/24.

Katika Ajenda ya uchaguzi huo, Mhe. Mgina amemtangaza Makamu Mwenyekiti Mhe. Castori Boniface Masangula ambaye ameshinda nafasi hiyo kwa jumla ya kura zote za ndio 31 kutoka kwa Wajumbe wote ambao ni Waheshimiwa Madiwani wa Halmashauri hiyo kwa mwaka 2024/25.

Mhe. Masangula ameendelea kuteteta nafasi hiyo ya Makamu Mwenyekiti kwa muhula wa pili sasa ambapo kwa mwaka 2023/24 aliibuka mshindi wa nafasi hiyo, huku Jumla ya kura zilizopigwa zilikuwa thelathini na tatu (33) ambapo kura zote 33 zimepiga kura ya ndiyo kwa kuwa mgombea alikuwa ni mmoja na hakuna kura iliyoharibika.

Aidha Mhe. Mgina ameendelea kutangaza Wenyeviti wa kamati mbalimbali za kudumu katika Baraza hilo ambapo amemtangaza Mhe. Flavian Mpanda kuwa Mwenyekiti wa kamati ya Huduma za jamii kwa kupata kura 9 akimshinda Mhe. Obadia Kalenga mwenye kura 7 ambaye ndiye aliyekuwa akiihudumu hiyo nafasi.

Akizungumza baada ya zoezi hilo Mkurugenzi Mtendaji wa Halmashauri hiyo Bw. Mashaka Mfaume amempongeza Mhe. Masangula kwa kurejea katika nafasi hiyo huku akimtaka kuendelea na kasi alioionesha katika kipindi cha mwaka mmoja ambao umetamatika hii sep 05, 2024.

Baada ya kutangazwa kuwa mshindi wa nafasi ya Makamu Mwenyekiti Mhe. Masangula amemshukuru Mhe. Mgina, Mkurugenzi Mtendaji wa Halmashauri hiyo bw. Mashaka Mfaume pamoja Madiwani kwa kumuamini katika nafasi hiyo kwa adhima ya kuleta maendeleo kwa wananchi.