KM Chongolo Aumwagia Sifa Uongozi wa Halmashauri ya Wilaya ya Mufind

Posted on: May 31st, 2023

KM Chongolo Aumwagia Sifa Uongozi wa Halmashauri ya Wilaya ya Mufindi 

Katibu Mkuu wa Chama cha Mpinduzi CCM Ndg Daniel Chongolo, ameusifu na Kuupongeza Uongozi wa Halmashauri ya Wilaya ya Mufindi Unaoongozwa na Mwenyekiti wa Halmashauri Mhe. Festo Mgina na Mtendaji Mkuu wake Mkurugenzi Bi. Zaina Mlawa.

Mtendaji Mkuu huyo wa Chama tawala, ametoa Sifa hizo Wakati wa Ziara ya Kichama Wilayani Mufindi, inayoangazia Utekelezaji wa Ilani ya Uchaguzi ya CCM.

"Kwa kweli Halmashauri ya Mufindi Mnafanya Kazi, Mwenyekiti wa Halmashauri na Mkurugenzi wako Songeeni hapa niwashike Mkono, Mimi nimezunguka Kwenye Miradi Mingi, lakini Mufindi Mnafanya Vizuri, Mfano, Majengo haya ya Shule chini ya Mradi wa BOOST, Sehemu zote ilizopita bado wapo Katika hatua za Mwanzo Kabisa”

"Sasa pamoja na kwamba Fedha hizi Mmezipokea siku si nyingi, leo Mpo Katika hatua Kubwa ya Ujenzi, Kwa kweli inaonesha mnatimu nzuri ya CMT lakini pia Mnatimu nzuri ya Baraza la Madiwani, mnatekeleza Miradi kwa haraka na Ubora, ninyi mnaakisi Vizuri maono ya Mhe. Rais Samia Suluhu Hassan na huu ndio Utendaji tunaoutaka"

Alisisitiza Ndug. Chongolo, wakati akikagua Ujenzi wa Shule Mpya ya KISALASI iliyopo Kata ya Igowole, inayojengwa kwa gharama ya Milioni 347,500,000 Fedha ambayo Ilitolewa na Serikali Kuu na Kupokelewa Tarehe 24 Aprili 2023.

TAARIFA NA ; Kitengo cha Mawasiliano Serikalini Halmashauri ya Mufindi.