KAMATI YA USHAURI MIRADI YA MFUKO WA HIFADHI YA MILIMA YATEMBELEA MIRADI KATIKA VIJIJI VYA KIPANGA, IHIMBO, UHAFIWA NA UKAMI-MUFINDI

Posted on: April 11th, 2022

KAMATI YA USHAURI MIRADI YA MAZINGIRA YATEMBELEA MIRADI INAYOTEKELEZWA KATIKA VIJIJI VYA KIPANGA, IHIMBO,UHAFIWA NA UKAMI- MUFINDI

Kamati ya Ushauri Miradi  Inayofadhiliwa na mfuko wa hifadhi ya milima ya TAO  la mashariki wilaya ya Mufindi inayoomgozwa na Mwenyekiti Mheshimiwa Zakayo Kilyenyi ambae ni Diwani wa Kata ya Kibengu, imefanya ziara ya  kutembelea, kukagua na kushauri kuhusu Miradi inayotekelezwa katika Kata za Mapanda na Kibengu katika vijiji vinne.

Vijiji vinne vinavyotekeleza Miradi wa Hifadhi ya Milima ya Tao la Mashariki ni vijiji vya Kipanga,Ihimbo, Uhafiwa na Kijiji cha Ukami.

Akisoma taarifa ya Utangulizi Mkuu wa Idara ya Ardhi na Maliasili ndugu Ubisimbali Jeswald amesema  kila kijiji kinatekeleza Miradi mitatu ya  Ufugaji wa Nyuki, Mradi wa upandaji wa miti ya Mbao na mradi wa uapandaji miti ya matunda.

Akizungumza  na vikundi vinavyotekeleza miradi hiyo Mjumbe wa Kamati ya Ushauri Miradi ya Mazingira Tao la Mashariki Mheshimiwa Festo Mgina ambaye ni Mwenyekiti wa Halmashauri ya Wilaya ya Mufindi amesema  miradi hii ikitumiwa vizuri itazidi kupandisha Uchumi wa wananchi wa Kata hizo.

Pia amewashauri kuacha kuuza ardhi bila utaratibu kwani ardhi hiyo inarutuba ya kutosha ni mali ikitunzwa vizuri na miradi inakuja kwa wingi kwakuwa wameonyeaha uaminifu katika matumizi ya fedha wanazopewa katika utekelezaji wa miradi hiyo.

Wakitoa taarifa yao wanavikundi wanaotekeleza miradi hiyo wamesema changamoto kubwa wanayokutana nayo ni ubovu wa barabara kipindi cha Mvua inayopelekea  kuzolotesha ukuaji wa kiuchumi.

Wanavikundi hao wamejiwekea mkakati kuwa ifikapo mwaka 2024 kila kaya katika vijiji hivyo ihakikishe inakuwa na miche 20 ya zao la parachichi, pia wameomba Uongozi wa Halmashauri ya  wilaya ya Mufindi kuwawezesha badala ya kuletewe miche ya miti ya matunda basi waanzishe vitalu vya miche ya zao la Miti na Matunda katika maeneo yao wenyewe.

Akitoa kauli ya serikali kwa niaba ya Mkurugenzi wa Halmashauri ya Wilaya ya Mufindi, Ndugu Ubisimbali Jeswald amesema kwa mwaka wa fedha ujao wananchi kwenye vijiji vyote vya mradi, watapata mafunzo ya kuanzisha bustani za miti ya matunda kwani andiko limeandaliwa na kupitishwa na TAO mashariki.

Ziara hiyo imehudhuriwa na wajumbe wa Kamati ya Ushauri Tao la Mashariki kwa Halmashauri ya Wilaya ya Mufindi ambao ni Baadhi ya Waheshimiwa Madiwani na baadhi ya wataalamu .

Imeandaliwa na

Ofisi ya Habari na Mawasiliano

Halmashauri ya Wilaya ya Mufindi

Afisa Habari

Sima Bingileki