KAMATI YA FEDHA YAFURAHISHWA NA UTEKELEZAJI WA MIRADI YA MAENDELEO

Posted on: January 30th, 2026

Kamati ya Fedha, Uongozi na Mipango ya Halmashauri ya Wilaya ya Mufindi imeonyesha kufurahishwa na utekelezaji wa miradi ya maendeleo inayotekelezwa ndani ya Halmashauri kupitia vyanzo mbalimbali vya fedha ikiwemo fedha kutoka Serikali Kuu, Halmashauri (mapato ya ndani) na wadau mbalimbali wa maendeleo.

Ikiongozwa na Makamu Mwenyekiti wa Halmashauri Mh. Issa Manga Kamati hiyo imetembelea ujenzi wa nyumba ya walimu 2 in 1 na maabara katika shule ya Sekondari lhefu kata ya Mdabulo, ujenzi wa madarasa 2 na matundu 12 ya vyoo shule ya msingi na ujenzi wa madarasa 2 na matundu 6 ya vyoo kwa wanafunzi wa awali shule ya msingi Luhunga kata ya Luhunga, ujenzi wa miundombinu ya shule mpya ya awali shule ya Sekongari Ngwazi katika kata ya Igowole, ujenzi wa miundombinu ya mizani kata ya Igowole na ujenzi wa miundombinu ya kituo cha Afya lhowanza katika kata ya lhowanza..

Aidha imepongeza uongozi wa Halmashauri na wananchi katika maeneo yote inakotekelezwa miradi hiyo kwa kufanya kazi kwa ushirikiano jambo lililosaidia kuongeza ufanisi huku ikisisitiza miradi hiyo kukamilika kwa wakati na kuzingatia taratibu zote ili ianze kutumika.