KUTOWACHANJA WATOTO KWA SABABISHA VIFO 129 MUFINDI

Posted on: April 27th, 2017

KUTOWACHANJA WATOTO KWA SABABISHA VIFO 129 MUFINDI

Imeelezwa kuwa jumla ya Watoto 129 wenye umri wa chini ya miaka 05, wamefariki dunia mapema mwaka jana katika halmashauri ya Wilaya ya Mufindi, huku asilimia kubwa ya vifo hivyo vikisababishwa na tabia ya

 baadhi ya wazazi ya kutozingati suala la chanjo kwa watoto, kutokana na imani potofu amabazo zimekuwa zikienezwa juu ya mazoezi ya utoaji chanjo.

 Kauli hiyo imetolewa na Mganga Mkuu wa Halmashauri ya Wilaya ya hiyo Dkt. Fredrick Mgalula  wakati wa uzinduzi wa wiki ya  utoaji chanjo kwa watoto wenye umri wa chini  ya miaka 05 uliyofanyika kata ya Mbalamaziwa  Wilayani humo.

Dkt. Mgalula amesema tafiti zinaonesha kuwa  kwa  mwaka jana  2016  asilimia kubwa ya magonjwa yaliyosababisha vifo kwa Watoto  waliokuwa na umri wa chini ya miaka 05 vifo vyao vilichangiwa na magonjwa 

yanayokingwa kwa chanjo kama kifua kikuu, Donda koo, kifaduro, polio, surua. Magonjwa mengine ni pepo punda, homa ya ini, kichomi na homa ya uti wa mgongo.

Mganga huyo mkuu ameongeza kuwa ni vema wazazi Wilayani Mufindi wakaachana na habari za kizushi na tafsiri potofu juu ya chanjo zinazotolewa kwa gharama kubwa na Serik  badala yake wawapeleke watoto wao

 katika vituo vya kutolea huduma kwa wakati ili kuzuia vifo vinavyoweza kuzuilika baada ya Mtoto kupatiwa chanjo.

Awali akisoma hutuba kwa niaba ya Mgeni wa heshima Mkuu wa Wilaya ya Mufindi, Afisa tarafa wa tarafa ya Malangali Daniel Dugange aliyemwakailisha Mkuu wa Wilaya amesema, kila mkazi wa Mufindi anawajibu

 wa kuhakikisha Mtoto wake au wa jirani yake au mwingine yeyote anapata haki ya kupata chanjo ili kumkinga asizulike na magonjwa ambayo yanakingwa na chanjo lakini pia, asiwe hatari kwa  kuwaambukiza wengine  magonjwa hayo.