DC LINDA AZINDUA PROGRAMU YA VISIMA JIMBO LA MUFINDI KUSINI

Posted on: October 15th, 2024

Mkuu wa Wilaya ya Mufindi Mhe;Dkt Linda Salekwa amezindua Program ya Visima katika ngazi ya Wilaya.

Uzinduzi huo umefanyika leo Oktoba 15,2024 katika Kijiji cha Mpanga kata ya Mtwango ikiwa ni miongoni mwa visima vitano(5) ambavyo jimbo la Mufindi kusini limepatiwa na Mhe;Rais wa Jamhuri ya Muungano wa Tanzania Mhe;Dkt Samia Suluhu Hassan katika Program ya visima 900.

Katika Uzinduzi huo Mhe;Dkt Linda aliambatana na Naibu wa Wizara ya Uchukuzi ambae pia ni Mbunge wa Mufindi Kusini Mhe;david_mwakiposa_kihenzile

Akisoma Taarifa ya utekelezaji wa program hiyo Meneja wa Wakala wa maji na usafi wa Mazingira(RUWASA),Bi Happiness Mrisho amesema Program ya visima 900 vya Mhe;Rais,ni mradi unaohusisha uchimbaji wa visima na utekelezaji wa ujenzi wa visima maeneo ya vijiji ambako kuna shida kubwa ya upatikanaji wa majisafi na Salama.

“Katika kutekeleza Program hii Jimbo la Mufindi kusini,Serikali imetenga kiasi cha Tsh 300,000,000(Milioni 300) Ambapo kila Kijiji zimetengwa Tsh 60,000,000(Milioni 60) na vijiji vinavyoenda kunufaika ni Mtwango,Mpanga,Lufuna na Kibao,Na Upande wa Mufindi kaskazini pia Zimetengwa Tsh 300,000,000(Milion 300) ikiwa ni Milioni 60 Kwa kila Kijiji kwa vijiji Vitano,Kukamilika kwa programu hii kutaongeza wigo wa upatikanaji wa Maji Safi na Salama katika Wilaya ya Mufindi.

Aidha Mhe;Dkt Linda amewakumbusha Wananchi Kwenda kujiandikisha kwa wingi katika Daftari la Mpiga kura ili Washiriki Uchaguzi wa Serikali za Mitaa.