Bilioni 55 Kutumika Bajeti ya 2023/2024 Halmashauri ya Mufindi

Posted on: February 7th, 2023

Bilioni 55 Kutumika Bajeti ya 2023/2024 Halmashauri ya Mufindi

Baraza la Madiwani wa Halmashauri ya Wilaya ya Mufindi, limejadili kwa kina kabla ya kupitisha bajeti ya zaidi ya shilingi Bilioni 55 na Milioni 929 kwa mwaka ujao wa Fedha yaani 2023/2024 utakaoanza tarehe mosi ya mwezi Julai mwaka huu.

Kati ya Fedha hizo, zaidi ya Shilingi Bilioni 7.8 zinatarajiwa kukusanywa na Halmashauri ikiwa ni mapato yake ya ndani wakati kiasi kinachosalia kikitolewa na Serikali kuu pamoja na wahisani wa maendeleo.

Mgawanyo wa matumizi ya Fedha hizo ni pamoja na Bilioni 13.6 zikielekezwa kwenye miradi ya maendeleo, Bilioni 1.0 matumizi ya kawaida huku Bilioni 33.3 zikitengwa kwa ajili ya matumizi ya lazima ya mishahara kwa watumishi.

Baadhi ya miradi muhimu inayotarajiwa kutekelezwa mwaka 2023/2024 kwa manufaa ya wananchi wa Mufindi ni pamoja na ununuzi wa gari maalum la kusafirishia wagojwa, Ujenzi wa Shule mpya ya mchepuo wa kingereza na ununuzi wa Mizani ya kupimia magari ya mizigo kwa lengo la kuongeza mapato ya Halmashauri.

Bajeti hii imezingatia utekelezaji wa ilani ya Chama cha Mapinduzi CCM ikiwa ni chama tawala, dira ya Taifa ya miaka mitano, malengo endelevu ya Milenia, sanjari na sera za kitaifa na kimataifa.

Akizungumza wakati akifunga kikao, Mwenyekiti wa Halmashauri Mhe. Festo Mgina, amewataka Madiwani kutoa ushirikiano kwa wataalamu katika ukusanyaji mapato pamoja na kutoa elimu kwa Jamii zao juu ya umuhimu wa kulipa kodi na ushuru wa Halmashauri huku akiahidi kukamilisha miradi yote viporo mara utekelezaji wa bajeti utakapoanza.

Imetolewa na

*Kitengo cha Mawasiliano Serikalini*

*HALMASHAURI YA WILAYA YA MUFI