Baraza la Madiwani Mufindi lapitisha bajeti ya shilingi 60,795,716,738.

Posted on: January 30th, 2025

Baraza la Madiwani Halmashauri ya Wilaya ya Mufindi likongozwa na Mwenyekiti wa Halmashauri Mh. Festo Mgina limepitisha bajeti yenye thamani ya shilingi 60,795,716,738.00 kwa Mwaka wa fedha 2025/2026 kwa ajili ya kutekeleza shughuli mbalimbali za maendeleo.

Akiongoza baraza hilo Mwenyekiti wa Halmashuri amesema kuwa kuwa bajeti ni dira ya mwaka mzima huku akiwataka madiwani kutoa michango yenye tija ili kuleta tija kwa wananchi, ambapo kikao hicho kilipitia,kujadili na kushauri mambo mbalimbali katika rasimu hiyo,kwa ajili ya shughuli za uendeshaji na utekelezaji wa miradi ya maendeleo.

Kwa upande wake Mkurungenzi wa halmashauri hiyo Mashaka Mfaume amesema kuwa baraza hilo limepitisha rasimu ya bajeti hiyo ambayo ndio mustakabali wa halmashauri kwa mwaka wa fedha ujao, na kwamba ndio muhimili mkubwa wa kuendesha halmashauri kwani bila kuwa na bajeti ni nzuri halmashauri inaweza kuyumba lakini pia amesema Halmashauri imejipanga zaidi kupitia makusanyo yake ya ndani kutekeleza miradi ya maendeleo ili kuhakikisha huduma zinawafikia wananchi.huku akiwashukuru waheshimiwa madiwani kwa kutumia muda wao kuipitia na kuichambua sanjari na kutoa ushauri kwa watendaji.

Akisoma rasimu ya Bajeti ya Halmashauri ya Mufindi kwa niaba ya Mkurugenzi wa Halmashauri Ndg. Mashaka Mfaume, Afisa Mipango Wilaya Ndg. Elisey Ngoi amesema bajeti hiyo ina hiyo mchanganuo wa vyanzo mbalimbali ikiwemo mishahara toka serikali kuu shilingi 35,103,112,000, matumizi ya kawaida tilka serikali kuu shilingi 2,259,860,000, miradi ya maendeleo fedha zaa ndani tka serikali kuu shilingi 6,910,185,000 miradi ya maendeleo fedha za nje toka kwa wafadhili shilingi 7,004,041,000 na mapato ya ndani toka halmashauri shilingi 9,518,518,738.

Waheshimiwa madiwani wakitoaa michango yao katika baraza la madiwani.