Vijiji Vyote 121 Vya Halmashauri ya Mufindi Kunufaika na Mpango wa TASAF Awamu ya Tatu

Posted on: June 29th, 2020

Vijiji Vyote 121 Vya Halmashauri ya Mufindi Kunufaika na  Mpango wa TASAF Awamu ya Tatu.

“Jumla ya Vijiji vyote 121 vya Halmashauri ya Wilaya ya Mufindi, vitangia katika mpango wa kunusuru kaya Maskini (TASAF) hususan katika mpango wa Tasaf awamu ya tatu .Hivyo wataalamu hakikisheni fedha zinazotolewa kwaajili ya kuwafikia walengwa zinawafikia kwa wakati”

Kauli hiyo imetolewa na Mkuu wa Wilaya ya Mufindi Mheshimiwa Jamuhuri William alipokuwa akipokea wataalam kutoka TASAF Makao Makuu walipofika katika Wilaya ya Mufindi kwa lengo la kutambulisha mpango wa TASAF awamu 3.

Amesema kwa Wilaya ya Mufindi Mpango wa kunusuru kaya maskini kwa awamu iliyopita, umefanikiwa kwa kiasi kikubwa kwani wananchi walio wengi wamehitimu na miradi mingi imefunguliwa ikiwa ni pamoja na kusomesha wanafunzi.

Aidha, amewataka wataalamu wa Halmashauri ya Mufindi kuhakikisha fedha zinazotolewa na TASAF ziwafikie walengwa ili wananchi wote wanaotakiwa kunufaika na mpango huu wanufaike kama ambavyo Serikali imekusudia.